FREIRE COUTO DESCOÑECE QUE A AMPLIACIÓN DA GARDERÍA XA ESTEA EN FUNCIONAMENTO

No pleno ordinario de 27 de febreiro, o alcalde manifesta descoñecer que a ampliación da gardería municipal (mais de xestión privada)  prevista en 40 prazas, xa está funcionando parcialmente, cun incremento de 20 prazas, desde hai un mes.

Freire Couto manifesta que é imposíbel que os nenos e nenas estean nas novas instalacións porque aínda non se contratou persoal e falta mobiliario.

Este é un exemplo máis dos moitos que se poderían expor sobre a deixadez de funcións que vivimos nos últimos tempos no noso concello.

Un servizo municipal que funciona ao libre albedrío dunha empresa sen que os funcionarios municipais coñezan o seu funcionamento.

Nós preguntámonos se estarán en regra todos os seguros de responsabilidade civil, e se a nova parte cumpre coa lexislación vixente en canto a ratios de profesores/as por neno/a, medidas de seguridade, etc.