O CONCELLO DE BARBADÁS VOLTA CONTRATAR AOS SOCORRISTAS DA PISCINA MUNICIPAL SEN FACER CONVOCATORIA PÚBLICA

            Máis un ano, o concello de Barbadás contratou dous socorristas sen mediar convocatoria pública, é dicer, seguindo as bases de contratación do “enchufe”. 

Os argumentos esgrimidos polo alcalde tamén se volven repetir. As piscinas municipais adiantan a data de abertura ao mes de Xuño e non hai tempo de facer unha convocatoria pública.  

As dúas persoas contratadas tamén son as mesmas que prestaron o servizo en anos anteriores. 

Desde o BNG denunciamos, máis unha vez, a falla de transparencia nas contratacións que se fan en Barbadás e a vulneración dos direitos que toda persoa ten de acceso a un posto na administración ao non cumprirse  os principios básicos de publicidade, mérito e capacidade.  

O desprezo do alcalde, X. M. Freire Couto,  polas regras do xogo democrático chegan ao extremo de non cumprir nen o que él mesmo suscrebe, xa que en Abril do ano 2000 o PP aprobou unhas bases para a contratación, por concurso, de persoal laboral temporal; bases que, neste caso coma noutros,  pasa polos fuciños.

                        Barbadás, 5 de xullo de 2006

O BNG colabora co Colectivo Cidadán Pro Centros Públicos en Barbadás.