Contacta connosco
O Galo, voceiro do BNG de Barbadás
O PP SOLICITA NA XUNTA QUE SE DETRAIA UN MILLÓN DE EUROS DO NOVO COLEXIO DE INFANTIL E PRIMARIA DE BARBADÁS
Sabías que… o PP ten apresentada unha enmenda aos orzamentos da Xunta de Galiza para o ano 2006 na que solicita que se detraia un millón de euros do crédito destinado á construción do novo centro de ensino infantil e primario d’a Valenzá, cando o orzamento xa consignado ascendía a 2.050.000 €.
Pois si, despois de o pleno do pasado 2 de decembro ter aprobado, por unanimidade, unha moción do BNG exixindo o urxente inicio das obras para que estexa operativo o novo ceip no próximo curso 2006-2007, esta pretensión de rebaixa do pp dá clara mostra da sua falta de compromiso coas necesidades sociais e cos intereses da maioría da poboación e supón máis unha burla ante as demandas da cidadanía.
Ao pedir esta severa redución no diñeiro destinado ao centro público, o PP está a demostrar o seu declarado apoio ao negocio do ensino privado que será, en definitivo, quen se aproveite desta medida.
Terreos onde irá o novo centro de infantil e primaria de Barbadás, no Ruxidoiro.
O BNG colabora co Colectivo Cidadán Pro Centros Públicos en Barbadás.
